Nagu Saabsan

Tayo Doctors

Tayo Doctors waa dhakhaatiir gaar ah oo xirfaddoodu sarreyso oo bixinaya adeeg caafimaad oo tayadiisu sarreyso.

Waxaan diyaar kuula nahay adeeg caafimaad oo tayo sare leh, adigoon xafiiskeena iman, uma baahnid in aad shaqadaada fasax ka soo qaadato, in aad ka soo tagto carruurtaada ama in aad saacado badan ku bixiso sugidda dhakhtarka.

Adeegga caafimaadka waxaa laguugu siinayaa khadka taleefoonka ama hab Maqal iyo Muuqaal ah (Video Consultation), hadba kii aad doorato.

Haddii aad u baahan tahay in aad la kulanto dhakhtar ama kalkaaliye caafimaad si fool ka fool ah, waxaan diyaar kuula nahay in aan kuugu qabanqaabino hadba goobta aad joogto.

Adeegyadeena intooda badan waxaan ku bixinnaa qaab fogaan ah, laakiin xiriirka aan la leenahay Isbitaalada gaarka loo leeyahay iyo dhakhaatiirta gaarka ah awgiis, si deg deg ah ayaan bukaanka ula xiriirin karnaa dhakhtarka uu u baahan yahay, si uu u helo adeeg caafimaad.

Waxaanu suurogelinaa in ay bukaanadu helaan adeeg caafimaad oo sax ah, iyagoo kula kulmaya dhakhtarka saxda ah ee qaabilsan xanuunkooda, xiliga iyo goobta ku habboon.

Nala soo xiriir si aad uga faa’iideysato adeegyada kala duwan ee aan bixinno.

Shaqaale Caafimaad oo khibradoodu sarreyso

Dhakhaatiirteenu waa kuwo aqoon iyo khibrad sare leh, kuna shaqeeya qaab ku dhisan anshax adag.

Dhakhaatiirteenu waxa ay ka diiwaangashan yihiin waddamo ay ka mid yihiin Ingiriiska, Mareykanka iyo Turkey.

Xifdinta Sirta Bukaanka

Waxaanu ixtiraamnaa xuquuqda asturnaanta xogta.

Waxaana kuu ballan qaadeeynaa inaan u xifdino dhammaan macluumaadkaaga caafimaad si qarsoodi ah.

Waxaa keliya oo aan xogtaada caafimaad soo bandhigi doonnaa marka aad adigu ogolaato.